آج عالمی یومِ کینسر کے موقع پر مکمل پاکستان کے چیئرمین عبدالمتین ہاشمی صاحب نے اپنے بیان میں کہا کہ کینسر اس وقت دنیا بھر میں انسانی صحت کے لیے سب سے بڑا چیلنج بنتا جا رہا ہے، ہر سال تقریباً دو کروڑ نئے مریض سامنے آتے ہیں جبکہ ایک کروڑ سے زائد اموات اس بیماری کے باعث ہوتی ہیں، اور ماہرین کے مطابق تقریباً 30 سے 40 فیصد کیسز احتیاطی تدابیر، بروقت تشخیص اور صحت مند طرزِ زندگی اختیار کر کے روکے جا سکتے ہیں۔ پاکستان میں بھی بریسٹ کینسر، پھیپھڑوں، جگر اور منہ کے کینسر کے مریضوں کی تعداد تیزی سے بڑھ رہی ہے جس کی بڑی وجہ دیر سے تشخیص، تمباکو نوشی، آلودہ ماحول اور طبی سہولیات تک محدود رسائی ہے۔ انہوں نے کہا کہ یہ صرف طبی مسئلہ نہیں بلکہ سماجی اور قومی مسئلہ ہے، اس لیے ضروری ہے کہ حکومت صحت کے نظام کو مضبوط کرے، عوام میں آگاہی پیدا کی جائے، سکریننگ اور ابتدائی ٹیسٹ کی سہولیات عام کی جائیں اور ہر شہری کو علاج کی مساوی رسائی دی جائے۔ انہوں نے مزید کہا کہ ایک صحت مند قوم ہی مضبوط پاکستان کی ضمانت ہے، قومی وحدت، سماجی شعور اور اجتماعی ذمہ داری کے ساتھ ہمیں ایسے پاکستان کی تعمیر کرنا ہوگی جہاں انسانی جان کو اولین ترجیح حاصل ہو اور عوام کی فلاح ہی حقیقی قومی مفاد ہو۔